Polo meu traballo como orientadora laboral nun centro colaborador do SPEG dende o ano 2006, teño que dicir que parte destes contidos do módulo 1 resultáronme coñecidos xa que están presentes e forman parte, en maior ou menor medida, do meu traballo diario.
Como orientadora laboral contratada
a través da subvención IOBE da Consellería de Traballo e Benestar, desenvolvo
as funcións ás que se fai referencia na orde correspondente, en consonancia co
disposto no punto 5.1 do Real decreto 1542/2011 do 31 de outubro, polo que se
aproba a Estratexia Española de Emprego 2012/2014, concretamente:
- Elaboración de diagnoses individualizadas sobre o perfil, as necesidades e as expectativas das persoas demandantes de emprego a través das entrevistas personalizadas.
- Información sobre o mercado de traballo e os incentivos e medios dispoñibles para o fomento da contratación e o apoio ás iniciativas emprendedoras.
- Deseño, elaboración e realización de itinerarios personalizados.
- Contacto coas empresas para difundir información sobre as súas iniciativas para facilitar a inserción laboral, realizando, igualmente unha prospección das necesidades das empresas e o casamento entre as ofertas e as demandas de emprego.
- Información e orientación sobre o proceso de recoñecemento das competencias adquiridas a través das experiencia laboral mediante a acreditación oficial da súa cualificación a través de certificados de profesionalidade.
- Información e asesoramento sobre a oferta de accións de formación profesional para o emprego, con acreditación oficial a través do repertorio de certificados de profesionalidade cando estean vinculadas ao catálogo nacional de cualificacións, así como dos títulos de formación profesional.
Todos estes aspectos que fan
referencia ás funcións do persoal técnico de información, orientación e
prospección de emprego gardan estreita relación e forman parte dos contidos
tratados nesta primeira etapa.
Na orde faise referencia tamén a outro dos aspectos abordados nos contidos do primeiro módulo do curso, o financiamento, que neste caso corre a cargo dos fondos procedentes do Fondo Social Europeo, a través do Programa operativo de Galicia 2007-2013 (tema prioritario 66 do eixe 2), cun financiamento do 80% correspondente ao Fondo Social Europeo e do 20% correspondente á Xunta de Galicia.
Na orde faise referencia tamén a outro dos aspectos abordados nos contidos do primeiro módulo do curso, o financiamento, que neste caso corre a cargo dos fondos procedentes do Fondo Social Europeo, a través do Programa operativo de Galicia 2007-2013 (tema prioritario 66 do eixe 2), cun financiamento do 80% correspondente ao Fondo Social Europeo e do 20% correspondente á Xunta de Galicia.
A pesar de que nesta primeira etapa abordáronse contidos principalmente teóricos, non por iso resultaron menos interesantes nin de menor repercusión no meu traballo como orientadora. Pois aínda que de xeito habitual manexemos unha serie de recursos e ferramentas facilitadoras da dinámica de traballo, si é certo que precisamos cada vez máis dunha importante dose de actualización e innovación dos mesmos, debido aos vertixinosos cambios que está a sufrir o mercado de traballo e ás características e circunstancias das persoas demandantes de emprego que acoden ao servizo de orientación.
O meu lema no traballo é: se buscas resultados
distintos, non fagas sempre o mesmo, o que mantén alerta a miña motivación para
seguir aprendendo e ao mesmo tempo para motivar
ás persoas demandantes no seu proceso de busca, innovando no uso de ferramentas
e abrindo camiño ás novas vías de acceso e mantemento do emprego. Neste aspecto
en concreto é onde este curso está supoñendo unha gran innovación na miña
maneira de ver, entender e realizar orientación.
A evolución do mercado de traballo e o
incremento do desemprego fan necesaria a posta en marcha de medidas que inclúan
accións de atención constante e especializada dirixidas a colectivos con
dificultades de inserción laboral. É por isto que a orientación laboral debe
ser un proceso continuo e ao longo da vida coa finalidade de dotar ás persoas
de ferramentas útiles que lles faciliten a toma de decisións e que se convertan
en autónomos no seu proceso de inserción laboral.
Xa por último dicir, que ademais de adquirir
e/ou actualizar os meus coñecementos sobre os servizos e as políticas activas
do SPEG, as políticas pasivas do SEPE, o
mercado laboral, as cualificacións e formación
para o emprego, as políticas sociais e de emprego en Europa, as fontes de
financiamento e programas e as diferentes vías para o emprendemento, non podo
quedar indiferentes ante o que sen dúbida para min foi un enorme descubrimento
nesta primeira etapa do curso: as ferramentas
2.0 que supuxeron un cambio importantísimo
no meu enfoque da orientación e no proceso da busca de emprego xa que constitúen
un escaparate virtual que facilita a nosa visibilidade na busca de emprego por
conta allea e no autoemprego ao tempo que facilita que nos adiantemos ás
necesidades das empresas e formemos parte en procesos de selección que teñen
lugar máis aló das nosas fronteiras: portais de emprego, videocurriculum,
entrevista por video conferencia e mesmo podamos traballar dende a nosa propia
casa. A verdadeira busca 2.0 de emprego, axústase ao que no seu día dixo
Quevedo: “si quieres que los demás te
sigan, solo tienes que ponerte delante de ellos”. Non se trata polo tanto
de atopar emprego, senón de que o traballo che atope a ti.
Como conclusión dicir que toda a información facilitada
e todo o aprendido ata o momento resulta de gran utilidade tanto á hora de
desenvolver o meu traballo como a nivel persoal. Seguro que aínda queda moito
por aprender!.
No hay comentarios:
Publicar un comentario