A ORIENTACIÓN LABORAL EN FEMININO por Tero Rodríguez
Reflexión individual a partir do marco conceptual desenvolvido no módulo 1 do Posgrao en Orientación Laboral do Cixug.
Moi
avanzado xa o curso, fago memoria daquel primeiro módulo que ao mesmo tempo que
establecía o marco conceptual da orientación laboral, marcaba os numerosos
campos que precisa dominar unha orientadora laboral: servizos públicos de
emprego Sepe, Speg, estratexias europeas, políticas activas e pasivas, axudas,
economía social, plans de emprego e autoemprego...
Para
unha orientadora é inescusable que coñeza as leis polas que se organiza o
mercado laboral, os indicadores que o
definen, tipos de desemprego e tipos de busca de emprego, as análises do observatorio ocupacional... Resulta tamén
imprescindible para quen ten que orientar ás persoas demandantes de emprego
dominar o catálogo de certificacións de profesionalidade e títulos de formación
profesional, con todas as siglas que o acosan desde campos como as realizacións
profesionais, as unidades de competencia, criterios de realización, módulos
formativos...
Ao
mesmo tempo, a orientadora debería dominar idiomas, nomeadamente o inglés, para
poder seguirlle a pista con eficacia ás iniciativas sociais e de emprego da
Unión Europea, para axudar aos seus usuarios e usuarias a aproveitarse das súas
políticas activas e pasivas, dos seus fondos de financiamento e das súas leis
de libre circulación e mobilidade dos traballadores.
Da
orientadora tamén se espera que exerza o labor de acompañante e fomentadora de
iniciativas emprendedoras, xestión para a que precisa nocións sobre a
elaboración dos plans de empresa, fórmulas xurídicas...
Para
que resulte frutífero, todo isto debe ser movido por un complexo engrenaxe alimentado
por unha dobre enerxía extraída de campos que en principio semellan antagónicos;
o abstracto e tecnolóxico das competencias
dixitais e o concreto e humano das accións de motivación, potenciación da
autoestima, habilidades sociais...
Á par que impresionada polo
inevitable eclecticismo da profesión da orientadora laboral tamén o estou
porque case a totalidade do alumnado somos mulleres. Pregunto e dinme que de
oitenta e dúas persoas matriculadas, só sete son homes, e tamén me informan de
que nas edicións anteriores a porcentaxe masculina era similar ou incluso
menor. Polo que se ve isto é reflexo do que acontece con esta profesión que
está moi dominada polo sector feminino. Agora se entende que neste artigo fale de
“orientadoras laborais” e non de “orientadores laborais”. Estas excentricidades,
a pesar das cifras, aínda hai que xustificalas, porque a linguaxe inclusiva
segue coa inercia unidireccional.
Indago
un pouco sobre as profesións máis feminizadas en países coma o noso e observo
que as mulleres dominan sobre todo en sectores relacionados coa educación,
administración, psicoloxía, axuda
sanitaria e outros coidados; con incursións notables no terreo das artes, en
áreas coma o deseño e a literatura.
Miro
para casa e busco que é o que di o Instituto Galego de Estatística.
Poboación ocupada por xénero e grandes grupos
ocupacionais (CNO-2011). Galicia. Ano 2013
Unidade: Miles de personas
Espazo=Galicia
|
Total
|
Homes
|
Mulleres
|
|
|
|||||||
Total
|
1.006,4
|
530,6
|
475,8
|
47,28
|
89,67
|
||||||
1 Directores e xerentes
|
37,3
|
26,2
|
11,1
|
29,76
|
42,37
|
||||||
2 Técnicos e profesionais científicos e intelectuais
|
154,7
|
65,9
|
88,7
|
57,34
|
134,60
|
||||||
3 Técnicos; profesionais de apoio
|
101,0
|
63,4
|
37,6
|
37,23
|
59,31
|
||||||
4 Empregados contables, administrativos e outros
empregados de oficina
|
85,9
|
27,2
|
58,8
|
68,45
|
216,18
|
||||||
5 Traballadores dos servizos de restauración,
persoais, protección e vendedores
|
233,8
|
83,2
|
150,5
|
64,37
|
180,89
|
||||||
6 Traballadores cualificados no sector agrícola,
gandeiro, forestal e pesqueiro
|
64,1
|
35,1
|
29,0
|
45,24
|
82,62
|
||||||
7 Artesáns e traballadores cualificados das
industrias manufactureiras e a construción (salvo operadores de instalacións
e maquinaria)
|
132,6
|
120,4
|
12,2
|
9,20
|
10,13
|
||||||
8 Operadores de instalacións e maquinaria, e
montadores
|
85,9
|
70,6
|
15,4
|
17,93
|
21,81
|
||||||
0 e 9 Ocupacións militares e ocupacións elementais
|
111,2
|
38,7
|
72,5
|
65,20
|
187,34
|
Os
datos son do ano pasado e poderían avalar o exposto anteriormente, aínda que as
clasificacións que fai de grupos ocupacionais dificultan a interpretación que
nos interesa.
Resúltanos
moito máis “ad hoc”, o cadro publicado polo Observatorio Laboral Mexicano sobre
a ocupación feminina no seu país no segundo trimestre de 2014:
Carreras con mayor
número de mujeres ocupadas
|
%
|
|
1
|
97.7
|
|
2
|
91.4
|
|
3
|
87.7
|
|
4
|
85.5
|
|
7
|
84.5
|
|
6
|
74.2
|
|
7
|
71.9
|
|
8
|
71.6
|
|
9
|
71.3
|
|
10
|
66.6
|
Aínda
que distante xeograficamente, poderíanos pasar por un estudo que analizase o
noso entorno e confirma o que dicía anteriormente.
Por
que esta tendencia?
Navego
por internet e sorpréndome da cantidade de teorías que aínda defenden a
existencia dunha suposta carga xenética que dota ás mulleres dun instinto
natural para exercer oficios relacionados coa asistencia a outras persoas. Eu
prefiro xustificar a maior presenza da muller neste tipo de oficios por factores ambientais
e educativos. Na nosa cultura as mulleres, aínda hoxe, son educadas para
coidar do entorno, coidar da casa, coidar dos fillos, coidar do home, coidar
dos pais... As nenas galegas seguen tendo bonecas, cociniñas, fregonas, xogos
de enfermeiras... fronte aos nenos que se entreteñen maiormente con xogos
bélicos, de motor e de competición. Neste sentido resulta moi esclarecedora a
visita a xogueterías que dividen a súa mercadoría polo xénero dos pequenos
destinatarios.
Retomo o listado de sectores ocupados
maioritariamente por mulleres: “educación, administración, psicoloxía, axuda sanitaria e outros coidados” e reparo
entón en que este marco conceptual do módulo 1 sobre o que teño que reflexionar
debuxa un conxunto de capacidades que están directamente relacionadas con estas
profesións, o que implica que unha boa orientadora laboral precisa manexarse en
todas estas áreas, e que ser orientadora
laboral esixe ter vocación de coidar aos demais, algo que se alimenta en
nós desde ben pequeniñas.
Quizá
toda esta reflexión, máis intuitiva que científica, só sirva para xustificarme a
min mesma que a orientación laboral sexa basicamente unha profesión de
mulleres. En todo caso eu doume por convencida, e con iso evito seguir
investigando e chegar a temas de salarios e posibilidades de promoción, que
hoxe non teño gana de desgustos.
No hay comentarios:
Publicar un comentario